Feeds:
பதிவுகள்
பின்னூட்டங்கள்

Archive for the ‘என் மனச்சிதறல்’ Category

The sun has begun to go down.

The street is suddenly all alive with the air of breaking fast.

It was just another evening of Ramadhan.

 sChildren carrying ‘kanji’ buckets were coming from the mosque.

The aroma of finely fried cutlets and patties start teasing my taste buds.

I looked at the clock in the front hall.

Still almost one hour before the calling of azan for Mahrib.

‘patties…. rolls’

A weak but energetic voice was heard.

There stood two little boys , each carrying a box on their head.They were so thin and small in size.I saw a whole world of innocence in their large eyes

My mother started to count the patties needed for the evening.

They start to scratch the heads.My mother asked them why they were doing so.

‘Head is burning’one boy replied.The hot shorteats must be just taken out from the sizzling oil in the vok.

I gazed at their young faces…

‘What is your name, thambi ‘

I am Muhammed….

This is ahmed’ the older boy pointed his finger to the smaller one.

‘Are you schooling..I was curious.

Muhammed nodded his head.He is in grade 5 and his brother is in grade 3.

I learnt later from my mother that the boys were from the outskirt ofMawanela.Their father is a blind man and their mother had passed  away.The boys’ Aunt is taking care of them and she is the one who make patties.

Just think a minute! Don’t these kids deserve a chance to live like other kids with all the good things in life?

Just think about the amount of burden in their shoulder.

The long uncertain road spread infront of them…

Today when you sit on your dinning table just look around the food stuff…

the  varieties

 

 

 

 

 

 

Just open your wardrobe and see how many rich suits you own.

Imagine how much you spend for a week on Cosmetics …to beautify yourself.

Think for a second about the poor and orphan children around you.

If you have a heart….

 your life will never going to be the same again.

Copyright_shameela

Read Full Post »

 

நேற்றிரவு மின்சாரம் அறுந்து போனது….
அடிக்கடி கிண்கிணுக்கும் அலைபேசியை அறையிலேயே வைத்து விட்டு வெளியே வருகிறேன்.
லேசாக மழை தூரல்……
சட்டென்று இறுகிப் போன முகத்தை ஒரு புன்னகை தொட்டுச்செல்கிறது.

இறைவனைப் புகழ்ந்துகொள்கிறேன்.

இறைவா
மாற்றங்களை ஏற்க மறுக்கின்ற குறுகிய மனத்தை எனக்குத் தந்து விடாதே 
என் மனம் உள்ளுக்குள் இருகரமேந்துகிறது.

புதிதாக ஒன்றை செய்ய முடியாது.
சிந்திக்கக் கூட முடியாது.
அது சரிவராது…
வழமையானபடியே செய்வோமே…
இவ்வளவு காலம் இதைத் தானே செய்தோம்
இப்படியானவர்களுடன் சேர்ந்து பணியாற்றுவது பெரிய சவால்.

அண்மையில் ஒரு நிகழ்ச்சிக்கான அழைப்புக்கடிததைத் தயாரிக்க நேரிட்டது.

நிறுவனத்தின் குறிப்பிட்ட ஒரு பகுதியின் நிகழ்ச்சி.
சம்பிரதாயமான அலுவலகக்கடிததிலிருந்து சற்றே மாறுபட்ட ஒரு அமைப்பில் கடிதத்தை வடிவமைத்தோம்.கடிதம் அழகாக வந்திருக்கிறது என்ற கருத்தில் பலர் இருக்க
அந்தப் பிரிவின் பொறுப்பாளர்கள் சிலர் இப்படி வந்திருக்க தேவையில்லை என்று அபிப்பிராயப்படார்கள்.
அவர்கள் அதற்கு சொன்ன காரணம் மிகவும் வருத்தத்தைத் தந்தது.எல்லாப் பிரிவுகளின் கடிதங்களும் ஒரே விதமாக இருக்க
இந்தப் பிரிவுக்கு மட்டும் என்ன முக்கியத்துவம் வேண்டியிருக்கிறது?
வாழ்ந்து கொண்டிருப்பது கணிப்பொறி யுகத்தில்.
ஒரு பிரிவின் செயற்பாடுகளின் தரம் அதிகம் என்றால் அதற்கேட்ப மற்றப்பிரிவுகளின் நடவடிக்கைகளின் தரத்தையும் அதிகரிப்பது தானே ஆக்கபூர்வமானது.

இப்படியான மனோநிலைகள்.

 ஒரு குற்றச்சாட்டை முன்வைப்பது என்றாலும் அது ஒரு பெரிய சுற்று சுற்றி விட்டுத் தான் சம்பந்தப்பட்டவர் காதுகளுக்கு வரும்.
ஏனோ தெரியவில்லை.
சிலருக்கு சொல்வதை முகத்துக்கு முன் சொல்லத் தைரியமில்லை.

மனசில் எழுந்த கேள்விகளுக்கெல்லாம் அந்த தூரத்து நட்சத்திரம் பதில் சொல்லிவிட்டது.

மீண்டும் புதிய உற்சாகத்துடன் வீட்டினுள் நுழைந்தேன்.

தையெல்லாம் தூக்கிப் பிடித்துக்கொண்டிருக்க முடியுமா?
ஒரு நிறுவனம் என்றால் பலதரப்பட்டவர்களிருப்பார்கள்.
இணங்கித் தான் ஆக வேண்டும்.
அதிலும் வயதில் மூத்தவர்களிடம் சற்று தாழ்ந்து போனால் தான் அவர்களுக்கும் திருப்தி.

Read Full Post »

இளைய தலைமுறை எதிர்நோக்கும் பிரச்சினைகளும் தீர்வுகளும்! அச்செடு மின்னஞ்சல்
புதன், 02 ஜனவரி 2008
 

சத்தியமார்க்கம்.காம் நடத்திய சர்வதேச அளவிலான கட்டுரைப் போட்டியில் சகோதரியர்களுக்கான முதற்பரிசை வென்ற கட்டுரை. – சத்தியமார்க்கம் நடுவர் குழு

 

 

ஒரு நாட்டின் சக்தியும் உறுதியும் அந்நாட்டின் எழுச்சி மிக்க இளைய தலைமுறையாகும். அநீதிகளுக்கெதிராய்த் துடித்தெழும் இரத்ததின் மறுபெயர்தான் இளமை.

இனிமையும் கனவுகளும் கொண்ட இளமைப்பருவம் வாழ்க்கைப் புத்தகத்தின் வித்தியாசமான ஒரு பக்கம். எதிர்காலத்தை எழுதும் பேனாக்கள்தான் இளைஞர்கள் என்று கூறினால் மிகையாகாது.

 

உன்னை ஐந்து நிகழ்வுகள் அடையுமுன் ஐந்து அருட்கொடைகளை சிறப்பாகப் பயன்படுத்திக்கொள்!

1.மரணம் வருமுன் வாழ்க்கை
2.நோய் வருமுன் உடல் ஆரோக்கியம்
3.வேலைப்பளு வருமுன் ஓய்வு
4.முதுமை வருமுன் இளமை
5.வறுமை வருமுன் செல்வ நிலை


என நபி(ஸல்) அவர்கள் கூறினார்கள்.
ஆதாரம்-நஸயி

 

சத்தியமார்க்கம்.காம் குறிப்பு:

 

நஸயீயின் பதிவு வலுவற்றதாகும்.

وللحديث طريق أخرى أخرجه النسائي من رواية عبدة بن أبي لبابة عن ابن عمر مرفوعا , وهذا مما يقوي الحديث المذكور لأن رواته من رجال الصحيح , وإن كان اختلف في سماع عبدة من ابن عمر . ‏
 

http://hadith.al-islam.com/Display/Display.asp?hnum=5937&doc=0

 

‏حدثنا ‏ ‏محمود بن غيلان ‏ ‏حدثنا ‏ ‏أبو أحمد ‏ ‏حدثنا ‏ ‏سفيان ‏ ‏عن ‏ ‏ليث ‏ ‏عن ‏ ‏مجاهد ‏ ‏عن ‏ ‏ابن عمر ‏ ‏قال ‏

‏أخذ رسول الله ‏ ‏صلى الله عليه وسلم ‏ ‏ببعض جسدي فقال ‏ ‏كن في الدنيا كأنك غريب أو عابر سبيل وعد نفسك في أهل القبور ‏

‏فقال لي ‏ ‏ابن عمر ‏ ‏إذا أصبحت فلا تحدث نفسك بالمساء وإذا أمسيت فلا تحدث نفسك بالصباح وخذ من صحتك قبل ‏ ‏سقمك ‏ ‏ومن حياتك قبل موتك فإنك لا تدري يا عبد الله ما اسمك غدا ‏ ‏قال ‏ ‏أبو عيسى ‏ ‏وقد روى هذا الحديث ‏ ‏الأعمش ‏ ‏عن ‏ ‏مجاهد ‏ ‏عن ‏ ‏ابن عمر ‏ ‏نحوه ‏ ‏حدثنا ‏ ‏أحمد بن عبدة الضبي البصري ‏ ‏حدثنا ‏ ‏حماد بن زيد ‏ ‏عن ‏ ‏ليث ‏ ‏عن ‏ ‏مجاهد ‏ ‏عن ‏ ‏ابن عمر ‏ ‏عن النبي ‏ ‏صلى الله عليه وسلم ‏ ‏نحوه

 

http://hadith.al-islam.com/Display/Display.asp?hnum=2255&doc=2

 

என்னை வளைத்துப் பிடித்(து அணைத்)தவர்களாக அல்லாஹ்வின் தூதர் கூறினார்கள்:

இவ்வுலகில் ஒரு நாடோடியைப் போல அல்லது வழிப்போக்கனைப் போல வாழப் பழகிக் கொள். மண்ணறைக்குச் சென்று விட்டவர்களின் நினைவை மனதில் இருத்திக் கொள். காலையில் எழும்போது மாலை வரை (உயிரோடு) இருப்போம் என்று உறுதி கொள்ளாதே! மாலையை அடைந்தால் (மறுநாள்) காலை வரை இருப்போம் என்றும் உறுதி கொள்ளாதே! நோயுறுமுன் உன் உடல் நலத்தைப் பயன் படுத்திக் கொள்; மரணம் வருமுன் உன் வாழ்வைப் பயன் படுத்திக் கொள்.

அப்துல்லாஹ்! நாளைக்கு உனது பெயர் என்னவாயிருக்கும் என்று உனக்குத் தெரியாது (அப்துல்லாஹ்வா மய்யித்தா என்று).

 

அறிவிப்பாளர்: அப்துல்லாஹ் இபுனு உமர், பதிவு: திர்மிதீ 2255

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

உலக வரலாற்றில் உணர்ச்சிகளின் இருப்பிடமான இளையதலைமுறையின் பங்களிப்பு இன்றி எந்தவொரு சமூக மாற்றமோ, எழுச்சியோ, ஆயுதப்புரட்சியோ ஏற்பட்டதில்லை. நெறிப்படுத்தப்பட வேண்டிய ஒரு சக்திப்பிரவாகம் இளமையாகும்.

சிறு குழந்தையாகவும் இல்லாது வளர்ந்து முழுமையடைந்த மனிதனாகவும் இல்லாது துப்பவும் முடியாது மெல்லவும் முடியாது தவிக்கும் இளமைப் பருவம் சிக்கல்களினதும் பிரச்சினைகளினதும் முகவரியாகிப்போகும் நிலமை அதிசயப் படத்தக்கதல்ல.

இளைஞர்கள் இன்று எதிர் நோக்கும் முக்கியப் பிரச்சினைகளில் ஒன்று தொடர்பூடகங்களாகும். உலகத்தையே உள்ளங்கைக்குள் சுருட்டி வைக்கும் ஊடகங்களின் அபரிமிதமான வளர்ச்சி ஆக்கத்தை விட அழிவுக்கே துணைபோயுள்ள அவலத்தை நினைக்கும்போது நெஞ்சு சுடுகிறது.

மனித மனத்தின் கீழான உணர்வுகளைத் தூண்டி அதில் குளிர்காயும் சமகால ஊடகக்கலாச்சாரம், இளைஞர்களின் இரத்தத்தில் ஊறிப்போயுள்ளது. அறிவையும் அன்பையும் மனிதப் பண்பாடுகளையும் வளர்க்க வேண்டிய மீடியா, பொருளாதாரம் ஒன்றையே பிரதான நோக்காகக் கொண்டு, தீமைகளின் அடி வேராகத் திகழ்கிறது.

தொலைக்காட்சி, சினிமா, வானொலி, மாத-வாராந்த-நாள் இதழ்கள், இணையம் இவையனைத்தும் இளைய சமுதாயத்தின் உள்ளத்தில் பெரும் செல்வாக்குச் செலுத்துகின்றன. இணைய வலைப்பின்னலின் கோடானுகோடி நன்மைகளை மறுதலித்து விட்டு அதன் தீமைகளை அரவணைத்துக் கொள்வதிலேயே இளைய சமூகம் ஆர்வம் காட்டுகிறது.

“உலகிலுள்ள மொத்த இணைய தளங்களில் 30% ஆபாசம் (Pornography) தொடர்பான தளங்களாகும். இந்நடவடிக்கை மூலம் 12,13 பில்லியன் அமெரிக்க டாலர்கள் வருடாந்தம் வருமானமாகப் பெறப்படுகிறது.”

(நன்றி: Muslim youth)

துரதிஷ்டவசமாக, “பெரும் எண்ணிக்கையிலான முஸ்லிம் இளைஞர்கள் இணையத்தினூடாகவும் – GPRS ஊடாகவும் இத்தகைய தளங்களைப் பார்வையிடுகின்றனர்” என்று ஆய்வுகள் கூறுகின்றன.

“நிலங்கள் ஆக்கிரமிக்கப் படுவதை விட மூளைகளும் உணர்வுகளும் ஆக்கிரமிக்கப் படுவது, மிகப்பயங்கரமான விளைவுகளை இஸ்லாமிய உம்மத்திடையே ஏற்படுத்தியுள்ளது” என்று டாக்டர் யூஸூப் அல் கர்ளாவி கூறுகிறார்.

நவீன நாகரீகத்தின் மூளைச்சலவைக்கு உட்படுவதிலும் முதலிடம் இளைஞர்களுக்கே.

அடுத்தவர்களின், குறிப்பாக எதிர்ப்பாலினரின் கவன ஈர்ப்புக்கருதி உடை-சிகையலங்காரம் முதற்கொண்டு கொள்கை கோட்பாடுகள் வரை மேற்குக் கலாச்சாரத்தைத் தெய்வமாக வழிபடும் நவீன ஜாஹிலிய்யத் சிந்தனை இளைய உள்ளங்களில் வேர்பிடித்து வளர்ந்து விட்டிருக்கிறது.

மனதளவில் தனிமையை உணரும் இளைஞர்கள் சமூகம் தமது சென்ற தலைமுறைக்கும் தமக்கும் இடையே பாரிய இடைவெளியை உணர்கிறது. அன்புக்காக ஏங்கும் பருவம் என்பதால் நட்பும் காதலும் உள்ளத்தின் இரட்டையாட்சி செய்கின்றன.

இவை சரியான முறையில் நெறிப் படுத்தப் படாதபோது பாரிய உளரீதியான சவால்களுக்கு முகம் கொடுக்க வேண்டிய நிர்ப்பந்தம் நேரிடுகிறது. மது, போதைப்பொருள், விபச்சாரம், தன்னினச் சேர்க்கை போன்ற தீமைகள் இளைஞர்கள் சமுதாயம் எதிர் நோக்கும் பிரச்சினைகளின் பன்முக வடிவங்களாகும்.

இளமையின் தேவைகள் சரியான முறையில் நிறைவு செய்யப்படாத போதும் குடும்பச்சூழல், அன்பான அரவணைப்பு, இதமான கவனிப்பு கிடைக்கப்பெறாத போதும் இளைஞர்களின் மனம் சமுதாய வேரினையே செல்லரித்து விடும் தீமைகளை நோக்கி ஈர்க்கப்படுகிறது. இது மட்டுமல்ல, ஆக்கத்துக்குத் துணை போக வேண்டிய இளமை சமூகவிரோதச் செயல்களுக்கு ஆயுதமாகப் பயன்படுகிறது.

நாள்தோறும் நம் செவிகளுக்கு வரும் கொலை, கொள்ளை, வன்புணர்ச்சிச் சம்பவங்களில் இளைய சமுதாயத்தின் கையே மேலோங்கி நிற்கிறது. இளையசமுதாயம் எதிர்நோக்கும் முக்கியப் பிரச்சினைகளில் மற்றொன்று நவீனக் கல்வித் திட்டத்தின் அபாயகரமான முகமாகும்.

ஆளுமையையும் பண்பாடுகளையும் வளர்க்க வேண்டிய கல்வித் திட்டம் இன்று வெறும் தகவல் திணிப்பு பொம்மைகளை உருவாக்கி விட்டிருக்கிறது. கல்வியின் நோக்கம் ஒழுக்கமும் ஆளுமையும் திறனும் கொண்ட தனிமனிதனை உருவாக்குவதாகும். வாழ்க்கை நதியின் போக்கை – நெளிவு சுழிவைக் கற்றுக்கொடுக்க வேண்டிய நவீனக் கல்விக் கோட்பாடு இன்று பொருளாதாரம் ஒன்றையே பிரதான இலக்காகக் கொண்டிருப்பது பெருமூச்சுக்குரிய விடயமாகும்.

எந்த விதமான நோக்கமும் இலக்கும் குறிக்கோளும் உயர்ந்த இலட்சியமும் இன்றி ஆழ்கடலில் தத்தளிக்கும் ஓடங்களாய் இளைஞர்களை செதுக்கி விட்டிருக்கும் நவீனக் கல்வி முறை ஒரு பாரிய சவாலாகும்.

நமது இளைய தலைமுறை எதிர் நோக்கும் மற்றுமொரு சிக்கல் வாய்ந்த பிரச்சினை ‘மதச்சார்பின்மை’ என்ற சிந்தனாரீதியான சதியாகும். அறிவியல் தொழில் நுட்பத்தின் அசுரவளர்ச்சியில் மத நம்பிக்கையின் செல்வாக்கு மறைந்து, பகுத்தறிவு என்ற பெயரில் இறைமறுப்புக்கு மாத்திரம் முதலிடம் வழங்கப்படும் இந்த நிலை ஆரோக்கியமற்றது.

உலகத்தின் பிரச்சினைகளுக்கெல்லாம் தீர்வாக மதச்சார்பின்மை எனும் Secularism முன்வைக்கப்படுகிறது. பண்பாட்டு, கலாசார ஒழுக்க விழுமியங்களை உடைத்தெறிகின்ற இந்தச் சடவாத சிந்தனை இளைஞர் சமூகத்தை ஆட்டிப் படைக்கிறது. சிற்றின்ப ஆசைகளை வளர்த்து, மனித மனங்களில் கொடூரத்தையும் காழ்ப்புணர்வையும் வளர்க்கும் இச்சிந்தனையின் தாக்குதலில் நிலைகுலைந்து நிற்கும் இளைஞர் சமூகத்தின் போக்கு கண்களில் நீரை வரவழைக்கிறது.

இந்த விழிநீர்த் துளிகள் காய்வது எப்போது?

ஆம், இளைய சமுதாயத்தின் ஒட்டு மொத்தப் பிரச்சினைகளுக்குமான தீர்வு இனிய இஸ்லாத்தின் தூதை மீண்டும் இந்தப் பூமியிலும் இளைய இதயங்களிலும் நிலைநாட்டுவதாகும். அல்லாஹுத்த ஆலா இந்த மார்க்கத்தைப் பூரணமாக்கி வைத்தான். அனைத்துப் பிரச்சினைகளுக்கும் கால, தேச, வர்த்தமான சூழ்நிலைகளுக்கும் நெகிழ்வுடையதாக இஸ்லாத்தை ஆக்கினான்.

பள்ளிவாசலிலும் நோன்புக் காலங்களிலும் அவ்றாதுகளிலும் மட்டும் சிறைப்பட்டிருக்கும் இஸ்லாம், பாராளுமன்றத்தின் கதவுகளையும் தட்டக் கூடியதாய் வீறுகொண்டெழ வேண்டும். ஆன்மீக வறுமையில் உழலும் நம் இளைய சமுதாயத்தின் இதயத்தில் அல்லாஹ்வைப் பற்றிய ஆழமான நம்பிக்கையை ஏற்படுத்தும் கல்வித் திட்டங்கள் நடைமுறைக்கு வருவதற்கு முயற்சிகள் முன்னெடுக்கப்பட வேண்டும்.

ஐரோப்பிய வானத்தில் அறிவியலை வாழ வைத்த பரம்பரை நம்முடையது. கொள்கையை நெஞ்சில் ஏந்தி வாழும் தனிமனிதர்களாக அறிவின் பெறுமதியை, நேரத்தின் முக்கியத்துவத்தைச் சுமந்த இலட்சியவாதிகளாக நமது இளைஞர்களைப் பயிற்றுவிப்பது பயனுள்ள முயற்சியாகும். அன்பின் ஆளுகைக்குள் அடங்க வைக்கும் திருமணத்தை உரிய காலத்தில் ஊக்குவிப்பதும் தீமையின் சுவடுகளை அடிவேரிலேயே கிள்ளி எறிய உதவும்.

அனைத்துக்கும் மேலாக எமது இறுதி இலக்கான சுவனத்தின் இனிய வசந்தத்தையும் அல்லாஹ்வின் திருப்தியையும் ஆசிக்கும் உள்ளங்களாக நம் இளைய சமுதாயம் வார்க்கப்பட வேண்டும்.

அல்லாஹ் அருள வேண்டும்!

 

ஆக்கம்: சகோதரி. ஹயா ரூஹி

 

சகோதரி ஹயா ரூஹி அவர்கள் முதல் பரிசு வெல்வது இது முதன்முறையன்று.

‘உயிர் வலிக்க வலிக்க’ என்ற தலைப்பில் இலங்கை அகதிகளின் அவலத்தை மையமாகக் கொண்டு அவர் எழுதியக் கவிதையும் ஒளிப்படத்தொகுப்பும் ‘அன்புடன் குழுமம்’ உலகலாவிய அளவில் நடத்தியக் காட்சிக் கவிதைப் போட்டியில் முதற்பரிசை வென்றன.

சகோதரியின் கவிதைகள் பல கீற்று, திண்ணை, ஊடறு போன்ற தமிழ் இணைய தளங்களில் வெளியாகிப் பாராட்டுகளைப் பெற்றுள்ளன.

மாவனல்லை (இலங்கை)யைச் சேர்ந்த சகோதரி ஹயா ரூஹி, ‘எங்கள் தேசம்’ வாரமிருமுறை இதழின் ‘பெண்கள் தேசம்’ பகுதியின் தயாரிப்பாளரும் 2008 ஜனவரி முதல் வெளிவரவிருக்கும் ‘My Pencil’ பாலர் சஞ்சிகையின் பிரதான ஆசிரியையுமாவார்.

இவையன்றி, தமக்கென ஒரு வலைப்பூவிலும் கவிதைச் சரம் தொடுக்கும் சகோதரியின் முகவரி: https://hayah.wordpress.com ஆகும்.

இளங்கலைப் பட்டதாரியான சகோதரி, மேற்கொண்டு இதழியலில் பட்டயப் படிப்பும் படித்துக் கொண்டு, இத்தனை பொறுப்புகளையும் ஏற்றுச் செம்மையாகச் செய்து வருகிறார் என்பது வியப்புக் கலந்த மகிழ்வுக்குரிய செய்தியாகும்!

2007ஆம் ஆண்டுக்கான சத்தியமார்க்கம்.காம் நடத்திய கட்டுரைப் போட்டியில் பெண்களுக்கான முதல் பரிசை வென்ற சகோதரி ஹயா ரூஹி அவர்களுக்கு வாழ்த்துகளையும் பாராட்டுகளையும் தெரிவித்துக் கொள்கிறோம்! – சத்தியமார்க்கம்.காம்

 

< முந்தைய ஆக்கம்



கருத்துக்கள்

பெரும்பாலான கட்டுரைகள் ஆழமான, அறிவுப்பூர்மானவையாய் மட்டுமே இருக்கும்; அல்லது வெறும் உணர்ச்சிக் கலவையாய் இருக்கும்.

வழக்கத்துக்கு மாற்றமாக, அறிவும் உணர்வும் செறிவாய்க் கலந்து வடிக்கப் பட்ட கட்டுரையைப் படித்ததில் மனம் நிறைந்து போனது.

சகோதரி ஹயா முதல் பரிசு வென்றதில் வியப்பேதுமில்லை.

வாழ்த்துகள்!
கருத்து எழுதியவர் அதி. அழகு, பதிந்தது: January 2, 2008 நேரம்: 10:48

அஸ்ஸலாமு அலைக்கும்.

அல்ஹம்துலில்லாஹ்…

சகோதரி அவர்கள் தனது சீரான கட்டுரையின் மூலம், இன்றைய காலகட்டத்தில் ஒட்டு மொத்த சமுதாயம் குறிப்பாக, இளைய சமுதாயம் சிக்கி தவிக்கும் அவலங்களையும் அதன் பின்னணிகளையும் தீர்வுகளையும் யதார்த்தமாக- தத்ரூபமாக ஆதங்கத்துடனும் அக்கரையுடனும் படம் பிடித்துக் காட்டியுள்ளார்கள்.

அவருக்கு இதற்கு ஜஸாக்கலாஹு கைர் மற்றும் முதற்பரிசுக்கும் நல் வாழ்த்துக்கள், சத்தியமார்க்கம் தளத்தினரின் தேர்வுக்கு வாழ்த்துக்கள், மற்றும் அனைவருக்கும் இதன் படிப்பினைகளின் மூலம் ஆக்கப்பூர்வமான இம்மை மறுமை பலன் விழைய பிராத்தனைகள்.
கருத்து எழுதியவர் மு. முஹம்மத், பதிந்தது: January 2, 2008 நேரம்: 13:37

மாஷா அல்லாஹ்!

மிகவும் அருமையாகவும் ஆழமான கருத்துக்கள் நிறைந்த நிலையிலும் தற்கால விஞ்ஞானம், தொழில்நுட்பம் என்ற போராட்டங்களுக்கு ஈடு கொடுக்கக்கூடிய‌ முறையில் இக்கட்டுரை இருப்பதைக் கண்டு மெய் சிலிர்த்து விடுகின்றது!

இளைய சமுதாயம் ஒருபோதும் இல்லாதவாறு இப்போது மிக வீழ்ச்சியடைந்து கொண்டே செல்கின்றது. இக்கட்டுரை இளைய சமூகம் அதலபாதாளதில் வீழ்ந்து விடாமலும் உன்னதமானதொரு நாகரீகம் உருவாகி, முழுப் புரட்சியாக அமைந்து விஞ்ஞானயுகத்தில் முஸ்லிம்களும் காலத்தை வென்று விடுவார்கள் என்ற நம்பிக்கையை வலுவடையச் செய்கிறது.

நன்றி சகோதரி!

அல்லாஹ் உங்களை இம்மையிலும் மறுமையிலும் மேன்மைபெற்று விளங்க வழி செய்வானாக. ஆமீன்.

சபூர் ஆதம் – அக்கரைப்பற்று.
கருத்து எழுதியவர் சபூர் ஆதம், பதிந்தது: January 2, 2008 நேரம்: 15:30

Bismillahirrahmanirraheem

உன்னை ஐந்து நிகழ்வுகள் அடையுமுன் ஐந்து அருட்கொடைகளை சிறப்பாகப் பயன்படுத்திக்கொள்!
1.மரணம் வருமுன் வாழ்க்கை
2.நோய் வருமுன் உடல் ஆரோக்கியம்
3.வேலைப்பளு வருமுன் ஓய்வு
4.முதுமை வருமுன் இளமை
5.வறுமை வருமுன் செல்வ நிலை
என நபி(ஸல்) அவர்கள் கூறினார்கள். ஆதாரம்-நஸயி

மேற்கண்ட ஹதீஸ் ஹாக்கிமிலும் இடம் பெற்றுள்ளது.அதன் ஸனதை ஆராயவும்.
கருத்து எழுதியவர் Muslimeen, பதிந்தது: January 3, 2008 நேரம்: 10:27

//மேற்கண்ட ஹதீஸ் ஹாக்கிமிலும் இடம் பெற்றுள்ளது.அதன் ஸனதை ஆராயவும்//

இமாம் அஸ்கலானீ அவர்கள் தமது ‘ஃபத்ஹுல் பாரீயில்’, இபுனு அப்பாஸ் வரை மட்டும் சென்று சேரும் பதிவொன்று ஹாக்கிமில் இருப்பதாகக் குறிக்கிறார்.

நாம் தேடியவரையில் ஹாக்கிமில் நீங்கள் குறிப்பிட்டுள்ள பதிவு தென்படவில்லை.

ஹாக்கிமின் பதிவு குறித்துச் சுட்டி ஏதுமிருப்பின் தந்துதவுங்கள்; பரிசீலிக்கலாம்.

நன்றி!
கருத்து எழுதியவர் சத்தியமார்க்கம்.காம், பதிந்தது: January 3, 2008 நேரம்: 16:41

Read Full Post »

5. நிழல்கள் நிஜமாவதில்லை, கனவுகள் நனவாவதில்லை –  உண்மையா ?
மிக அழகான கேள்வி.
என் சிந்தனைவேர்களில் தாகமாய் வந்தமர்ந்த வினா..

நிழல்கள் நிஜமாவதில்லை, கனவுகள் நனவாவதில்லை – 
இந்த கூற்றின் முரண் தான் என் நம்பிக்கை.

 நிழல்கள் தான் நிஜமாகின்றன , கனவுகள் தான் நனவாகின்றன  – இது  உண்மை!
அனுபவித்துச் சுவைத்த உண்மை .
எதை நாம் அதிகம் நினைக்கிறோமோ,எதை நாம் அதிகம் கனவு காண்கிறோமோ
அதை நாம் அடைகிறோம்………

என் இதயத்தில் இடம் பிடித்திருக்கும் ஒருவர்….
அவர் அறிமுகம் தேவையில்லை.
வசதியாயிருந்து பின் வறுமையின் அடிமட்டத்துக்கே போன ஒரு குடும்பத்தின் வாரிசு………….
அவருக்கு படிப்பில் அபாரத் திறமை……
காலில் செருப்பில்லாது,தேய்ந்த ஒரே சீருடையுடன் பள்ளிக்கு போனவர்.
மீதி நேரத்தில் கடையில் எடுபிடி வேலையிலிருந்து தெருவில் கூவி விற்பது வரை ஓடாய்த் தேய்ந்தவர்……….
வாழ்க்கை பற்றி  இரவின் தனிமையிலே யோசிப்பாராம் …….
`நானும் ஒரு நாள் வாழ்வில் உயர்வேன்.என் குடும்பம் கெளரவமாய் வாழும்`
என்ற கனவு……
இன்று அவர்
ஒரு அருமையான குடும்பம்,மிக கெளரவமான வாழ்க்கை,சமூக அங்கீகாரத்தோடு வாழ்கிறார்.
இறைவனுக்கே புகழ் அனைத்தும்
இப்படி நிறைய வாழும் உதாரணங்களைக் கண்டிருக்கிறேன்.
கேட்டிருக்கின்றேன்.
உளவியலில் மனதை மூன்றாகப் பிரிப்பார்கள்
1.வெளிமனம்
2.உள் மனம்
3.ஆழ் மனம்

இதில் நாம் வெளிமனதையும் உள்மனதையும் தான் அறிகிறோம்.
மிகவும் சக்தி மிக்க ஆழ்மனதின் ஆற்றலை குறைவாகவே தெரிந்து வைத்திருக்கிறோம்.
ஆழ்மனது ஒன்றை அழுத்தமாக விரும்பி விட்டால் அதை அடைந்தே தீரும்.

அடிக்கடி மனக்கண்களால் கனவு காண்பது ஆழ்மனதின் அடியாழத்தில் தங்குகிறது……..
எனவே நிழல்கள் நிஜமாகின்றன……

கனவு காண்பதில் நான்  கஞ்சத்தனம் காட்டுவதில்லை எப்போதுமே!!!
சின்ன வயதில் என் அறையில் மாட்டியிருந்த படத்தில் இருந்த
`keep on believing ……….Your Dreams can come true` என்ற வாசகத்தை எப்போதுமே என் இதயத்தில் பதித்து வைத்திருக்கின்றேன்……
கனவுகள் ஒரு நாள் நனவாகும்……………..
நிழல்கள் அனைத்தும் நிஜமாகும்………………
வானம் எனக்காய் இறங்கி வரும்………………
நிலவும் பனித்துளி பரிசு தரும்……………………..

Read Full Post »

4. உங்களுக்கு யாரைப் பார்த்தால் கோபம் வரும் ? கோபப்பட்ட சில
அனுபவங்களைப் பகிர்ந்து கொள்ளுங்களேன்.

கோபம் -காயப்பட்ட உள்ளத்தின் கொந்தளிப்பு……

சீண்டப்பட்ட பாம்பின் உஷ்ணக்காற்று……..

கோபம் வரக்கூடாத இடங்களுண்டு……………..

கோபம் வந்தாக வேண்டிய இடங்களுமுண்டு…………..

வரக்கூடாத இடங்களில் வந்தும் வரவேண்டிய இடங்களில் வராமலும்    இந்த கோபம் என்ன பாடு படுத்துகிறது.

எனக்கும் சின்ன சின்ன கோபங்கள் வருவதுண்டு.

அன்பானவர்களின் புறக்கணிப்பு கோபம் கலந்த அழுகையை கொண்டு வந்து நிறுத்தி விடும்……

உலகமே எதிராய் நின்றாலும் கலங்காத உறுதியுண்டு.

இனியவர்களின்  ஒரே அலட்சியப் பார்வை போதும் உயிரை வலிக்கச் செய்ய………….

எனக்கு வலிமை குறைந்தவர்களை வலியவர்கள் காலில் போட்டுமிதிப்பது

கண்டால்  கோபம் எல்லை மீறும்.

எங்களூரில் இருக்கும் ஒரு மனநலம் பாதிக்கப்பட்டவரை இளைஞர்கள் கேலி செய்து சிரிப்பதைக் கண்டு இரத்தம் கொதித்திருக்கிறேன்.

படித்தவர்கள்(?)  தங்களை விட தகுதிகள் குறைந்தவர்களை ,மட்டம் தட்டிப் பேசுவதை  அல்லது அவமதிப்பதை கண்டால் என்னுள் சினம் பிறக்கும். 

கோபத்தில் இரண்டு வகையிருக்கிறது.

நீர்————————-மணல்

நீர் சூடாக நேரம் எடுக்கும்……………

ஆனால் சூடாகி விட்டால் இலேசில் ஆறாது.

மணல் அவசரமாய் சூடாகி விடும்………

அதே அவசரமாய் ஆறியும் விடும்………

`நான் நீரா ?     மணலா  ?தெரியவில்லை.`

🙂

ஆனால் ஒன்று

அநேகமாய் என் கோபம் கண்ணீரில் தான்  கடைசியாய் வந்து தணியும்.

Read Full Post »

3. மகள், மனைவி, தாய், தோழி – என்ற வெவ்வேறு நிலைகளில் பெண்மையின் உன்னதம் எந்த நிலையில் உயர்வையும் மன நிம்மதியையும் அடைகிறது என்று நீங்கள் நினைக்கிறீர்கள் ?

உண்மையில் என்னை மிகவும் யோசிக்க வைத்தது இந்த வினா…….. பெண்மையின் உன்னதம் உயர்வும் நிம்மதியும் ,இந்த நிலைகளை அடைவதில் அல்ல இந்த நிலைகளில் ஒரு பெண்ணின் மனோபாவம் பொறுத்தே நிர்ணயிக்கப் படுகிறது என்பது என் அபிப்பிராயம்.

சுயநலமற்ற நேசம்……

உள்ளார்ந்த அன்பு……..

தலைகோதி நெஞ்சின் சிடுக்கெடுக்கும் விரல் நுனிகள்…. இதயம் உடைந்து விம்மும் வேளைகளில் ஆறுதல் பனித் துளிகள் ……

பிழை செய்தால் அன்பு கலந்த கண்டிப்பு…..

எப்போதும் எரிக்காத பார்வை…………

இவை ஒரு பெண்ணின் மனவெளியில் உலவும் வரை அவள் பெண்மையின் உன்னதம் வான் தொடும்.

நிம்மதியின் ஊற்று கரை உடைக்கும். `ஆண் பெண் சமத்துவம்`இன்று நிறமிழந்து பெண் தன் மணமிழந்து நிற்கிறாள்…

கூட்டுக்கும் கூண்டுக்கும் உள்ள வித்தியாசத்தைப் புரிந்து கொண்டாலே போதும்……………………

பெண்ணின் மென்மை கலந்த மேன்மை உயிர் சிலிர்க்கும்!

பொத்தி வளர்க்கும் ஒரு மகளின் அலை புரளும் பாசம்……….

உயிர் வேரில் ஒவியமாய் சிலிர்க்கும் மனைவியின் மென்காதல்………… மனம் வலிக்கும் பொழுதுகளில் தலைதடவி தாலாட்டும் தாயின் நேசம்…….

தொடாத தூரத்திலிருந்தாலும் சுவாசத்துடிப்பறிந்த தோழியின் நட்பு……… ஒவ்வொன்றுமே பெண்மையின் உன்னதம் தான்………………..

பெண்ணின் மனோபாவமும்,அன்பின் ஆளுகையும் தான் அதனைத் தீர்மானிக்கும்.

Read Full Post »

Read Full Post »

2. நமது வாழ்க்கை ஏற்கனவே தீர்மானிக்கப்பட்ட ஒன்று என்று விதியை நீங்கள்
நம்புகிறீர்களா இல்லை நமது உழைப்பும் முயற்சியும் மட்டுமே நம்
எதிர்காலத்தை நிர்ணயிக்கிறது என்று நினைக்கிறீர்களா ?
 இறைவன் ஒருவன் இருப்பதை நான் எந்தளவுக்கு உயிரில் சுமந்திருக்கிறேனோ அந்தளவுக்கு விதியையும் நான் விசுவாசிக்கிறேன்.

விதி என்பது என்ன?

இறைவனின் நாட்டமும் மனிதனின் முயற்சியும் சந்திக்கும் தொடுபுள்ளி .

விதிக்கு ஒவ்வொரு விதமான விளக்கங்கள் இருந்தாலும் விதியைக் காரணம் காட்டி உழைப்பையும் உற்சாகத்தையும் இழப்பதை என்னால் ஏற்றுக் கொள்ளவே முடியாது.

இறைவனுடைய நாட்டம் ஏற்கனவே எழுதப்பட்டு விட்டது உண்மை தான்:அந்த ஏட்டில் இருப்பது என்ன என்பது எமக்குத்தெரியாது……………

எனவே

உழைக்கும் போது நம் கை மட்டுமே நமக்குப் பலன் தரும் என்பது போல வியர்வை சிந்த வேண்டும்……….

மனதில் உழைப்பைப் பற்றி நினைக்கும் போது  நம் வெற்றிக்கு இறைவன் நாட்டமேயன்றி வேறு காரணம் இல்லை என்ற பணிவும் சார்தலும் வேண்டும்.

உளம் தளராத உறுதியின் இரகசியம் இது என்பது என் கருத்து.

இன்னுமொன்று………

நேற்று நடந்ததை நம் அறிவு விளங்கி வைக்கும்.

நாளை நடப்பது எமது அறிவுக்கு அப்பாற்பட்டது.

ஆனால் இறைவன் நேற்றையும் நாளையையும் ஒரே போல் அறிகிறான்.

இது தான் விதியின் அடிப்படை.

நாளை நடப்பதை அறிந்து கொள்ள சோதிடர் தேடி அலைவதிலும்

தினசரிப் பத்திரிகையில் ராசிபலன் பார்ப்பதிலும் எனக்கு உடன்பாடில்லை.

நாளை நல்லதே நடக்கும் என்ற நம்பிக்கைப் பூவுடன் நடப்போம்.

பின் இணைப்பு

நமது உழைப்பும் முயற்சியும் மட்டும் எதிர்காலத்தை நிர்ணயிக்கும் என்ற எண்ணமே அகந்தையானது.

இந்த இணைப்பை பாருங்கள்………………..

பிரபஞ்சத்தில் மனிதனின் நிலை எப்படி இருக்கிறது………………

Read Full Post »

அன்பு சகோதரி ஹயா..இதோ உங்களுக்கான ஐந்து கேள்விகள்.

1. பெண்ணாகப் பிறந்துவிட்டோமே என்று இந்த சமூகம் என்றாவது உங்களை

நினைக்கவைத்திருக்கிறதா ?

அருமையான பதில்களால் எங்கள் உளம் தொட்டு பின் சிந்தனைச் சிறகுகளை அகல
விரித்துப் பறக்க வானம் தரும் உங்கள் கேள்விகள் என் கதவு தட்டுகின்றன.
நன்றிகள் சகோதரர் ஷாஜஹானுக்கு!!!

இறைவனுக்கே புகழனைத்தும்.

பெண் குழந்தைகளை விரும்பி வளர்க்கும் ஒரு பெற்றோருக்கு நான் பிறந்தது என்
பாக்கியம்.
சூழலில் வேறு பெண்குழந்தைகளுக்கு பாரபட்சம் காட்டப்படுவதைக் கண்டு கொண்டே
நான் வளர்ந்தேன்.
எனக்கு சகோதரர்கள் இல்லை:சகோதரிகள் மாத்திரம் தான்.
எப்போதாவது ` நான் ஏன் பெண்ணாய்ப் பிறந்தேன்`என்ற ஆதங்கம் என் உள்ளம்
குடைந்ததில்லை.
ஒரு ஆணைப் போல் ஆகவேண்டும் என்று ஆசைப்பட்டதுமில்லை.
இந்த விடயத்தில் என் பெற்றோரின் பரந்த மனோபாவத்திற்கு நான் நன்றி
சொல்லியே ஆக வேண்டும்

ஒரு விடயம் சொல்லியாக வேண்டும்.
1400 ஆண்டுகளுக்கு முன்னரே பெண்மையின் குளிர்ச்சிக்கு தனிதுவமான இடமும்
உரிமையும் வழங்கிய உயர் மார்க்கத்தின் வாரிசான பெண் நான்.
இறைவனுக்கு மட்டுமே அடிபணிவதன் இன்பத்தின் பின்னால் அத்தனை தளைகளும்
அடிமைத்தனங்களும் அறுந்து விழுகின்றன.
பெண்ணாய்ப் பிறந்ததற்காய் உளம் சிலிர்த்த கணங்களே அதிகம்.

கொள்கையைச் சரியாகப் புரியாமல் குருட்டு வெளிச்சத்தில் குளிர்காயும்
சமூகத்தின் ஒரு பகுதியால் நான் காயப்பட்ட உண்மையை நான் மறுக்கவில்லை.
பெண் என்பதற்காய் என் பின்னால் அறைந்து சாத்தப்பட்ட கதவுகளின் சத்தம் என்
காதுகளில் இன்னுமே ஒலித்துக் கொண்டேயிருக்கிறது.

பெண் என்பதால்  என் எழுத்தும் வாழ்க்கையும் இணைத்துப் பார்க்கப் படும்
துக்கத்தை அனுபவித்திருக்கிறேன்……….
அனுபவித்துக் கொண்டிருக்கிறேன்.
சிலகருத்துக்களை வெளிப்படையாகச் சொல்லமுடியாத வேதனை உள்ளுக்குள் ஓயாமல்
தவிக்கிறது.

தன் உள்ளத்தின் ஓசைகளைத் தெளிவாக முன்வைக்கும் பெண் ,அமைதியும்
மென்மையும் கொண்ட குடும்ப விளக்காக இருக்க பொருத்தமற்றவள் என்ற மனோபாவம்
கண்டு வெதும்பியிருக்கிறேன்.

பெண்ணாய் ஏன் பிறந்தோமோ என்று உடைந்து போனதில்லை

இஸ்லாமிய வரலாற்றின் சாதனை மகளிரை,அறிவின் ஊற்று அன்னை ஆயிஷாவை,வீரத்தாய்
உம்மு அமாராவை,எகிப்தியப் போராளி சைனப் கஸ்ஸாலியை  பாராட்டும் சமூகம்,
அதே பணியை முன்னெடுக்கும் தன் நிகழ்காலச் சகோதரியை வேற்றுக்கண் கொண்டு
பார்க்கும் அதிர்வு எனக்குள் பதிவாகியிருக்கிறது.

அன்புடன் போட்டிக்கு அனுப்பிய என் இயல் கவிதை என் மன உணர்வுகளின்
கண்ணாடி.

முதிர்ந்த இலைகள்

நிலா காயும் முன்னிரவில்….
முறிந்த படலையில்
ஏகாந்தமாய் தேம்பும்
என் இதயம்!!!

என்
ஆன்மாவுக்குள் பீறிட்ட
சின்ன நீரூற்றின்
பிரவாகம்….
கரை உடைக்கிறது!!!

தாகம்!
தாகம்!

முளையாய்
அரும்ப முன்னரே
வலிக்க வலிக்க
விழுது பாய்ச்சிய
வேகமிது!!!

தூரத்தில் அசையும்
நதி மேகங்களில்…
என் கனவுகள்!!!

ஒளிர்ந்து
இதயம் நனைக்கும்
விடி வெள்ளியில்
என் இலட்சியம்!!!

இருளின் மடியிலும்
நிலவின் பிடியிலும்
நிற்காமல் ஓடும்
வாழ்க்கை….
ஒற்றையடிப்பாதையாய்…..

ஒழுங்கையோ
ஒற்றையடி!

முள்பட்டே
கிழிந்த
பாதங்கள்!

ரணங்களின் அந்தரங்கத்தில்
அடிக்கடி
தற்கொலை செய்யும்
இதயம்!

ஆண் அல்ல
என்பதனால்
அறைந்து சாத்தப்பட்ட
கதவுகள்!!!

திறமை வெள்ளத்தின்
வீச்சை
மூச்சடக்கி……
துளித்துளியாய்…
தேவைகளில் பெய்!!

பிரார்த்தனை விழிகளின்
ஈரத்தில்…
அழுத கண்ணீர்
விம்மும் நடு இரவில்….
ஒரு
தாய்ச்சிறகின்
கதகதப்பாய்….
என் தொழுகை!!!!

வானம்
தொட்டு விடத்
துடிக்கும் உள்ளமே!!
நில்!!

அழுத்தும்
சுமைகள்
சிறகுகளைக் காயப்படுத்தும்!!!

எத்தனை இருந்தும்……………….
பெண்ணாய் ஏன் பிறந்தோமோ என்று உடைந்து போனதில்லை.
புகழ் இறைவனுக்கே!!!

Read Full Post »

 அன்புடன் கவிதைப் போட்டி முடிவுகள் – காட்சிக்கவிதைப் பிரிவு
நடுவர்: நிலா என்றழைக்கப்படும் நிலாச்சாரல் நிர்மலா
=================================================================

முதல் பரிசுக்குரிய காட்சிக்கவிதை


 

“உயிர் வலிக்க வலிக்க…”

‘க்ளியர் வின்னர்’ என்று இந்தப் படைப்பினைச் சொல்லலாம் – கிட்டத்தட்ட
போட்டியில்லாமல் தேர்ந்தெடுக்கப்பட்டதைப் போல.

மனதை உலுக்குகிற படைப்பு. இனப்பிரச்சினைகளை மிகச் சிறப்பாய்
எடுத்துக்காட்டியிருக்கிறார் படைப்பாளி. மொழிபெயர்த்து சேவை
நிறுவனங்களுக்கு அனுப்பி வைக்கலாம். அவ்வளவு நேர்த்தி.

கொய்யா மரத்தில்
குடியிருக்கும்
என் தம்பியின்
அசைவற்ற உடல்…

எனக்குள்
அதிர்கிறது!!!

காட்சி நம்மையும் அதிரவைக்கிறது. அதுதான் இந்தப் படைப்பின் வெற்றி.
ஒவ்வொரு படமும் ஒரு அகதியின் அத்தியாயத்தை அழுத்தமாய்ப் பேசுகிறது –
வார்த்தைகளின் தேவை இல்லாமலே! வார்த்தைகளும் சேர்ந்து கொள்ளும்போது கனம்
தாங்காமல் மனது மௌனமாய் சுருண்டு கொள்கிறது.

உன்
ஞாபகத்தூறலோடு
நடக்கிறேன்…

நான்
இன்னும்
நீண்ட தூரம்
நடக்க வேண்டியிருக்கிறது!!!

(ஞாபகத் தூறல்… என்ன அழகான வார்த்தைப் பிரயோகம்!) இப்படி கவிதை
முற்றுப் பெறும் பொழுது நெஞ்சு வெறிச்சென்றிருக்கிறது. எல்லாவற்றையும்
இழந்துவிட்டு, வெறும் நினைவுகளை மட்டும் சுமந்து கொண்டு நீண்ட தூரம்
செல்ல வேண்டிய வலியை உணரமுடிகிறது.

இந்தக் கவிதையைத் தனியாய்ப் படித்திருந்தால் இப்படி ஒரு தாக்கம்
ஏற்பட்டிருக்காது… இதுதான் இந்தக் காட்சிக் கவிதையின் வெற்றி

முகத்திலறைகிற புகைப்படங்களை அழகாகக் கோத்து, உயிரைத் தொடுகிற சோகத்தைப்
பின்னணி இசையில் புகுத்தி, இதயத்தைத் துளைக்கும் வார்த்தைகளால்
கட்டியெழுப்பி படைப்பினை நம் மனதுக்குள் ஒரு தாஜ்மஹால் போலப்
பிரமாண்டமாய் இருத்திவிடுகிறார் இயக்குநர். பிரத்யேகமாய் வீடியோ எதுவும்
பதிவு செய்யாமலேயே இப்படி ஒரு தாக்கத்தை ஏற்படுத்த அதீத திறமை தேவை.
நெஞ்சார்ந்த வாழ்த்துக்கள்

கவிதை இன்னும் சற்று கோர்வையாக இருந்திருக்கலாம் என்பதைத் தவிர எனக்குக்
குறையேதும் தெரியவில்லை.

அன்புடன்
நிலா

 இயல் கவிதை: நடுவர் : திசைகள் ஆசிரியர் மாலன்ஆறுதல் பரிசு 1 :கார்த்திக் பிரபு, சென்னை

ஆறுதல் பரிசு 2 :

சோ. சுப்புராஜ், துபாய்

இரண்டாம் பரிசு :

தண்டபாணி பொன்னுரங்கம், சென்னை

முதல் பரிசு :

ஜாபர் அலி, துபாய்

ஊக்கப்பரிசு :

லிவிங் ஸ்மைல் வித்யா (2 கவிதைகள்), மதுரை

உஷா, சென்னை

மாதங்கி, சிங்கப்பூர்

கவிஞன் முதல்வன் (எ) ஸ்ரீராம், ஆஸ்த்ரேலியா

நட்சத்ரன் (எ) கா. முத்துராமலிங்கம், தஞ்சாவூர்

மேரித் தங்கம், சென்னை

இளா, நாமக்கல்

அருட்பெருங்கோ, சென்னை

மதுமிதா, சென்னை

இசைக்கவிதை: நடுவர் : இசைக்கவி ரமணன்

ஆறுதல் பரிசு 1 :

பங்கேற்பு ,இசை, பாடல்: கே.எம். அமீர், சென்னை கவிதை: நாக. சொக்கன்

ஆறுதல் பரிசு 2 :

பங்கேற்பு, கவிதை: சுவாமிநாதன், லாஸ் ஏஞ்சலஸ் பாடியது: கலாவதி

இரண்டாம் பரிசு :

பங்கேற்பு, கவிதை , குரல் : சிறில் அலெக்ஸ் சிகாகோ

முதல் பரிசு :

பங்கேற்பு, கவிதை: S. சங்கரநாராயணன், சென்னை குரல்: லஹரி

ஊக்கப் பரிசு 1:

கவிதையும் பங்களிப்பும்: கவிஞர் மதுமிதா, சென்னை இசையும் குரலும்: பல்கலைத் தென்றல் ஆரெஸ்மணி

ஊக்கப் பரிசு 2:

கவிதை, இசை, குரல் என்று அனைத்தும்: இராஜ. தியாகராஜன், புதுச்சேரி

ஊக்கப் பரிசு 3:

கவிதை, இசை, குரல் என்று அனைத்தும்: விசாலம், மும்பை

ஒலிக்கவிதை: நடுவர்கள் : கனடா ஜெயபாரதன், கவிஞர் சிங்கை இக்பால்

ஆறுதல் பரிசு 1 :

கவிஞர் மதுமிதா, சென்னை

ஆறுதல் பரிசு 2 :

V. லஷ்மணக்குமார், மதுரை

இரண்டாம் பரிசு :

ஷைலஜா, பெங்களூர்

முதல் பரிசு :

மு. பாண்டியன், நெய்வேலி

படக்கவிதை : நடுவர்கள் : ஆசிப் மீரான் , கவிஞர்.பாலபாரதி மற்றும் தம்பி அகிலன்

ஆறுதல் பரிசு 1 :

கே. வி. உஷா, சென்னை

ஆறுதல் பரிசு 2 :

மு. பாண்டியன், நெய்வேலி

இரண்டாம் பரிசு :

சோ. சுப்புராஜ், துபாய்

முதல் பரிசு :

மேரித் தங்கம், சென்னை

காட்சிக்கவிதை : நடுவர் : நிலா என்கிற நிலாச்சாரல் நிர்மலா

ஆறுதல் பரிசு 1 :

கவிநயா என்றழைக்கப்படும் மீனா ,ரிச்மண்ட், அமெரிக்கா

ஆறுதல் பரிசு 2 :

ஆர்.எஸ். மணி , கேம்ப்ரிட்ஜ், கனடா

இரண்டாம் பரிசு :

முத்துலட்சுமி , புது தில்லி

முதல் பரிசு :

சமீலா யூசுப் அலி (என்ற) ஹயா , மாவனல்லை, இலங்கை

போட்டி முடிவு கண்டதும் பேச முடியவில்லை……
அழத்தான் முடிந்தது……..

காத்திருப்பு முடிவுக்கு வரும் போது வரும்
கண்ணீர் அது.
எத்தனையோ போட்டிகளில் வென்ற
போது ஏற்படாத சந்தோஷம் `அன்புடன்`போட்டியில்
வெற்றி என்றதும் பொங்கி எழுந்தது.
தொடர்ச்சியாக   மடலிட்டுக்கொண்டிருந்தஎன்னை    உறையச்செய்து விட்டது
போட்டி முடிவு.
இணையம் இரு வருடங்களாய்த்தான் பரீட்சயம்.
அதிலும் தமிழ் இணையம் கடந்த மாதம் தான்
அறிமுகம்.
உலகு தழுவிய போட்டி ஒன்றில் பங்கு
கொண்ட முதல் தடவையே பரிசு கிடைத்தால்………..
வார்த்தைகள் பெரிதாய் எதை  சொல்லவிடப்போகின்றன
அதனால் மெளனிக்கிறேன்.

எமது நாட்டுத் தினசரி ஒன்றில் கவிதைப் போட்டி அறிவிப்பு ஒன்றைக்
காண நேர்ந்தது.பின் அந்த குறிப்பிட்ட தாளைக் காணவில்லை.
இணையத்தில் அந்தப் போட்டி பற்றிய தகவல் கிடைக்குமா என்ற நப்பாசையில்
`கூகிள்`இல் தேட அன்புடன் போட்டி அறிவிப்பு என்
விழிகளில் சிக்கியது.

அடி நுனி புரியாமலே அன்புடனில் இணைந்து கொண்டேன்.
உள்ளே போன் பின் தான் புரிந்தது `அன்புடன்` எத்துணை
அருமையான     களம்    என்பது.

சிந்திக்கவும் சிரிக்கவும் தன்னைத்தண்ணீரூற்றி  வளர்க்கவுமான அன்புடன்
பாத்தியில் நானும் ஒரு விதையாய் என்னை ஊன்றிக் கொண்டேன்.
சேர்ந்த முதல் நாளே ஆர்வமிகுதியால் ஈ கலப்பை தரவிறக்கம் செய்து அன்றே
யுனித்தமிழில் தட்டச்சக் கற்றுக் கொண்டது நெஞ்சில் மறக்காத
நினைவு……..

முதன் முதல் மணித்தியாலக் கணக்காய் கணணித்திரையை விட்டு விழி இறங்க
மறுத்து வீட்டில் குட்டு வாங்கியதும் அன்று தான்.

இயல் கவிதை,படக்கவிதை -இரண்டு பிரிவுகளிலும் கலந்து கொண்டேன்.
மற்றப்பிரிவுகள் எனக்கு சம்பந்தம் இல்லாதவை என்று இருந்து விட்டேன்.
என் `உள்ளங்கைச் சூடு` என்ற இயல் கவிதைக்கு பரிசு கிடைக்கும் என்ற
நம்பிக்கை இருந்தது.
(என்னைப் பொறுத்தவரை அன்புடனில் இணைந்ததே போட்டியொன்றில் வெற்றி பெற்றது
போலத்தான் என்பது வேறு விடயம்)

காட்சிக் கவிதைக்கான நினைவூட்டல்களை அடிக்கடி கண்டதும் மனதுக்குள் ஒரு
குறுகுறுப்பு.
`சரி செய்து தான் பார்ப்போமே` என்ற அடிமனத்துடிப்பு வந்தது.
முடிக்கவேண்டிய வேலைகளையெல்லாம் ஒரு பக்கம் தூக்கி வைத்து விட்டு
உட்கார்ந்த போது போட்டி முடிய இரு தினங்களே மீதமிருந்தன.

ஏற்கனவே விளையாட்டாக சில குடும்பப் படங்களை வைத்து ` Windows Movie
Maker  `இல் செய்திருந்த முயற்சிகள் கைகொடுத்தன.

படங்களைத் தேர்ந்தெடுத்தேன்.
ஒரு இரவு முழுக்க முதுகு வலிக்க வலிக்க `காட்சிக் கவிதையைத் தயாரித்து,
முடிவடைய இப்போதோ அப்போதோ என்று இருந்த நேரம்
 `Windows Movie Maker` தானாக மூடிக்கொண்டது.கவிதை வரிகளை கூட வேறாக
எழுதி வைத்திருக்கவில்லை.`சரி நமக்கு இது சரி வராது` என்று சோர்ந்து
போனேன்.

அடுத்த நாள் மீண்டும் அடிமனத்துடிப்பு…….
மீண்டும் புதிய வேகத்துடன் புறப்பட்டேன்.
முன்னெச்சரிக்கையாக ஒவ்வொரு அடியையும் எடுத்து வைத்தேன்.
இந்த முறை வேறு ஏதோ பிரச்சினை….
ஓரிடத்தில் காட்சி `முன் பின் நகரமாட்டேன்` என்று அடமாய் நின்று விட்டது.
கண்ணீர் வந்தது……
கவிதை வரிகளை யாபகித்து யாபகித்து எழுதி வைத்தேன்.
புகழனைத்தும் இறைவனுக்கே……
மூன்றாம் முறை அழகாய் வந்து விட்டது.
கடைசி நேரம்
சேதுவையும் ப்ரியனையும் சுமார் மூன்று மணி நேரம் `உயிர் வலிக்க வலிக்க
`கஷ்டப்படுத்தித் தான் தரவேற்ற முடிந்தது……
கவிதையின் பின்னணி பற்றி இப்போது நினைத்தாலும் `சுரீர்` என்றொரு ஊசி
இதயத்தைக் குத்திச் செல்கிறது.
 தான் ஓடி விளையாடிய மண் தனக்கு மறுதலிக்கப் படும் அநீதி ஈடு செய்ய
முடியாத சோகம்.
இலங்கையில் `இடம் பெயர்தலும் அகதி வாழ்வும்` இந்து முஸ்லிம் இன
வேறுபாடின்றி சொத்தான அவலங்கள்.
அகதி வாழ்வை அனுபவித்ததில்லை……
ஆனால் அந்த சுடும் நிஜங்களை நேரில் கண்டிருக்கிறேன்.
`என் கூட்டாளிப் பொடியனை இப்படித்தான் சுட்டாங்க ராத்தா`என்று சித்திரம்
வரைந்த நான்கு வயது மொட்டைக் கண்டு உள்ளுக்குள் அழுதிருக்கிறேன்.
அங்கெல்லாம் கண்ட கேட்ட குமுறல்களின் ஒர் துளியைத்தான்
கபனிட்ட அந்தச் சின்னவன் முகம் என் மனப்பள்ளத்தாக்கின் ஆழமான
பிரதேசத்தில் இன்னுமே புதைந்து கிடக்கிறது.

எனக்கு கவிதை தான்……
இழந்தவர்களுக்கு?

என் இனிய நன்றிகள்……………………………….

இறைவன் ஒருவனுக்கே என் தலை தாழ்த்தல்கள்!!!

எனக்குள் இருக்கும் `என்னை` கண்டெடுத்த என் ப்ரியமான உம்மா,வாப்பா
தன்னைப் பற்றி எதுவும் சொல்லக்கூடாது என்று அன்புக்கட்டளை தந்திருக்கும்
இனியவருக்கு………

என்னை போஷித்து வளர்த்த ,வளர்க்கும் ஆசிரியர்கள்
என்னை எப்போதும் ஊக்குவிக்கும் என் இனிய சகோதரிகளுக்கு
அன்பு இதயங்களுக்கு…

அரவணைக்கும் `அன்புடன்` குடும்பத் தலைவர்கள்
புகாரி அண்ணா

சேது
ப்ரியன்

என் கவிதைக்கு அழகிய உரை தந்த நிலாவுக்கு…….
மற்றைய நடுவர்களுக்கு

மறக்க முடியாத அன்புடன் நண்பர்களுக்கு

Read Full Post »